Tribi Duna Posada

Tribi duna posada ta un manual chikitu pa siñabu kon pa hospedá hende den bo kas. Tin hopi hende tin miedu òf bèrgwensa pa tene hende den nan kas. Otro hende no sa kon pa duna posada na un manera simpel pero tòg agradabel. E buki aki lo hasi un rekorido den Beibel pa mustra kon den e tempu ei hende tabata gusta risibí bishita na kas; tabata un honor pa hasi esei. E buki aki lo dunabu hopi tepnan interesante ku por yuda tantu abo i bo huéspetnan disfrutá di un estadia plasentero. Lo bo ripará ku no ta algu masha kompliká, sino ku esaki lo por trese hopi bendishon pa bo famia. Lo bo siña ku Dios a manda nos pa hospedá hende pasobra kisas sin bo sa lo bo hospedá angel. Deskubrí ken tabata i lo ta e anfitrion di mas grandi di tur tempu. No tarda. Tribi duna posada!